Vesaik-i Bektaşiyan

Vesaik-i Bektaşiyan Kısa Özet

Emirü`l-ümerai`l-kiram kebirü`l-küberai`l-fiham zü`l-kadr ve`l-ihtiram sahibü`l-`izz ve`l-ihtişam el-muttahasu bi-mezid-i `inayet-i melikü`l-`ala Sivas Beylerbeyisi olan (boş) Paşa dame me`aliyehu ve kıdvetü`l-kuzzat ve`l-hükkam ma`denü`l-fazl ve`l-kelam Budak-özi ve (boş) ve (boş) ve (boş) kadıları zidehu fazlühüma tevki-i refi`-i hümayun vasıl olıcak ma`lum ola ki kıdvetü`s-süleha ve`l-beyti`l- mekin Abdülkadir zidehu salahahu atebe-i sa`adetime `arz-ı hal idüb Sivas Sancağı`nda Budak-özi Nahiyyesi`nde Kalın-saz nam karyede vakı` Derviş Mehemmed Zaviyyesi`nin bi`l-fi`l berat-ı şerifimle mütevelli ve zaviyyedar olmağla karye-i mezburda zaviyye-i merkumenin iki çiftlik yir ile dört kıt`a vakf asiyabı olmağla zikr olunan iki çiftlik ve dört kıt`a vakf asiyabı ahardan bir vechile dahl olunmak icab itmez iken karye-i Kalın-saz el-mezbure havass-ı hümayun mülhakatından olub ber-vech-i malikane iştiraken mutasarrıf olan Sungur-oğlu Mehmed ve Ahmed karye-i mezbureyi zabta kana`at itmeyüb zikr olunan iki çiftlik yir ile dört kıt`a vakf asiyabları dahi hass mülhakatı olmak üzere fuzuli zabta ve zaviyye-i mezbure vakfına gadr ve harabına badi olduğunu bildirüb defter-i hakani mucibince `amel olunub hilaf-ı defter-i hakani mezburların zahir olan gadr ve ta`addileri men ve def ve ber-mucib-i fetva-yı şerif icra-yı hakk olunmak babında emr-i şerifim birle ve defter-hane-i amiremde mahfuz olan defter-i icmal ve mufassala müraca`at olundukda Budak-özi Nahiyyesi`ne tabi yüz otuz altı nefer re`aya ve iki zemin ve hasılı tahtında bennak ve hınta yekun ma`a gayriha dokuzbin yediyüz seksen dört akçe yazar karye-i Kalın-saz defter-i mufassalda muharrer kalemiyle tahrir ve defter-i icmalde mahsul-ı ispençe-i zimmiyan-ı şehr ile bir giydirilüb havass-ı hümayunum mülhakatından olub ve yine nahiyye-i mezbureye tabi otuz nefer cema`at-ı dervişan der-karye-i Kalın-saz ve tahtında iki kıt`a der-zemin karye-i mezbure el-meşhur çiftlik-i Derviş Mehemmed vakf-ı zaviyye-i Derviş Mehmed der-karye-i mezbure vehasılı tahtında hınta ve şa`ir ve dört kıt`a asiyab nim sale yekun...