Tükendi
Gelince Haber VerNo roportaj nêzdîyê hîrê serrî yo ke mi dest de yo. Mi verê zî Dat Eskerî (Ap Eskerî) reyde nê behsî ser o roportaj kerdbi labelê kasetê ê roportajî çi heyf ke xirabe vejîyabî û moralê mi zî zaf herimîyabi. Belkî tikê tembelîyê ra tikê zî na bêmoralîyê ra destê mi nêşîynê nê roportajê dîyine. Hetanî ke hostayanê mi Esparî û Malmîsanijî çend rey ard vîrê mi.
Dat Eskerî, dewanê Pîranî ra Hopi ra yo. Wextê jenosîdê Dêrsimî de uca eskerê dewlete bîyo. O bi xo emrê xo weş nêzano, yanî derheqê emrê ey de qetîyet çin o. Goreyê tayê hesaban se serre yo û goreyê tayêne zî se û panc serre. No xusus de, çîyo ke o qetî zano no yo ke o di rey şîyo esker. Lajê ey o pîl Wis derheqê emrê pîyê xo de wina vano:
“Ez 1938 di ameyo dinya. Pîy mi şîyo esker, ez şeş aşmî şîyayîşê ey ra pey bîyo. Pîy pêrdê mi Îsê Gulî wexto ki şîyo Yemen eskerey, pîy mi zî şeş aşmî şîyayîşê ey ra pey bîyo... Pîy mi wexto ki zewejîyawo hîris serre bîyo...”
