Çağdaş Bilim ve Eğitim Perspektifleri

Dekorativ-amaliy san’at turlari orasida gobelen san’ati alohida o‘rin egallaydi. U nafaqat badiiy bezak vositasi, balki tarixiy, madaniy va estetik qadriyatlarni mujassamlashtiruvchi san’at turi hisoblanadi. Gobelen asarlari insonning atrof-muhitni estetik idrok etishida, interyer va jamoat makonlarini badiiy shakllantirishda muhim rol o‘ynaydi. Bugungi kunda san’at va dizayn sohalarida innovatsion yondashuvlar kuchayib borayotgan bir paytda, gobelen san’atini zamonaviy talablarga mos holda rivojlantirish masalasi dolzarb ahamiyat kasb etmoqda. Mazkur maqolaning asosiy maqsadi — gobelen san’atining ilmiy-nazariy jihatlarini tahlil qilish va uning bugungi kundagi muammolarini ochib berishdan iborat.