Hayrabolulu Hasib Divanı

Hayrabolulu Hasib Divanı Kısa Özet

Ciğerüm şerhaların dide-i giryan büyüdür
Saky-ı emtar ile ezharumı bustan büyüdür

Nefes aldukca cesamet gelür ejderhaya
Nefs-i emmareyi endişe-i 'isyan büyüdür

Kabil-i feyz olamaz düşmeyicek hake nebat
Mütevazı' olanı rahmet-i Rahman büyüdür

Dağ bas sineye canum gibi şöhret-yab ol
Şevket ü saltanatı mühr-i Süleymân büyüdür

Kürsiye 'örf-i 'izamıyla çıkarmış va'iz
Zann ider kubbe-i hamka ile 'unvan büyüdür

Ba'is-i rif'atimüz derd ü bela hoş geldi
Handan-ı şöhretini hıdmet-i mihman büyüdür

'Arz olunsa n'ola bu gazel ahbaba Hasib
Şa'irün kadrüni tahsîn-i sühandan büyüdür